Gure aitari etxea
kendu diote gaur.
Alkateak,
epaileek,
otso-zakurrek,
bankuetxeetako
lukurreroek,
errentak eta interesak
ordaindu gabez,
kale gorrian.
utzi dute gaur
gure aita,
bihotza saminez,
etxea lurrarekin
nola berdintzen zuten
begira.
Eskuak eta besoak
ez dizkigute
oraindik moztu;
odola badugu
zainetan,
bularrean arima…
baina aitaren etxea
kendu digute eta
non biziko ote gara?
zer ote dugu orain
defendituko?